Die 12 novembris 1883 Minister Generalis Bernardinus Dal Vago de Portogruaro, initiator ac fundator Collegii Internationalis S. Antonii Patavini in Urbe, novum Studium Generale instituendum annuntiavit: «Post longas et maturas discussiones illud prae omnibus mediis optimum visum est, ut in hac alma Urbe, et fere sub umbra Pontificis Summi Christi in terris Vicarii, Collegium erigeretur, ad quod illi alumni nostrarum Provinciarum, cujuslibet Nationis, mitterentur, qui, passivo studiorum cursu in Provincialibus Conventibus cum laude absoluto, pietate et regularis observantiae zelo probati, ingenio super ceteris praefulgeant: ut in hoc Collegio, sub peritiorum professorum disciplina, iis facultatibus scientiisque exclusive vacare possint, ad quas unusquisque magis inclinatum se sentiat, aut, Superiorum suorum judicio, magis idoneus habitus fuerit. Ita fiet ut successivo tempore viros vere doctos et in singulis disciplinis apprimae excultos Ordo habeat, et unaquaeque Provincia hisce Lectoribus et Magistris laetari et frui possit. [...] Et jam, Filii charissimi, consentientibus, adprobantibus, imo et urgentibus Nostri Definitorii Generalis Patribus, spatiosam aream pro Collegio aedificando compari jussimus secus Viam Merulanam, non longe a Sacrosancta Archibasilica Lateranensi. [...] Expensae siquidem ingentes erunt, prout magnum pro Ordine nostro et ad servitium S. Ecclesiae speramus futurum fore seraphicae Universitatis fructum» ...
(Continua: 1, 2, In latino) |
